Mahira Khan: Imran Khan to Be With Us for Shaukat Khanum Hospital Karachi Opening in Dec 2026

Mahira Khan Makes Heartfelt Appeal for Donations to Shaukat Khanum Hospital Karachi

Pakistan ki maroof adakara Mahira Khan ne Shaukat Khanum Memorial Cancer Hospital Karachi ke hawale se awam se dil khol kar atiyaat dene ki purkhuloos appeal ki hai.

Apne paigham mein unhon ne umeed zahir ki hai ke December 2026 mein Shaukat Khanum Hospital Karachi ke iftitah ke mauqe par Imran Khan bhi hamare saath honge.

Mahira Khan ka kehna tha ke woh Peshawar ke Shaukat Khanum Hospital ka daura kar chuki hain aur woh chahti hain ke Karachi mein zair-e-tameer yeh hospital bhi jald az jald mukammal ho, taake mareezon ka ilaaj shuru ho sake.

Unhon ne awam se darkhwast ki hai ke is naik maqsad mein apni istitaat ke mutabiq barh charh kar hissa lein.