Resham guzashta 6 barson se apne hathon se langar bana kar bant rahi hai – musalsal 12 maheenay chal raha hai
Pakistan ki senior adakara Resham ne shikayat ki hai ke log unke achi niyat se kiye jane wale kamon par bhi tanqeed karte hain.
Adakara Resham ki aik video social media par viral hai jismein woh langar ki deg pakate hue keh rahi hain ke guzashta 20 barson se apne hathon se langar bana kar bant rahi hoon aur yeh silsila guzashta 6 barson se musalsal 12 maheenay chal raha hai.
Resham ne bataya ke pehle jo aik deg aur rotiyon ka intezam woh 50 hazar mein karti theen, ab usi langar mein dedh lakh rupay tak ka kharcha aata hai aur unke langar mein teen guna zyada izafa bhi ho gaya hai.
Resham ka kehna hai ke mujhe showbiz filmon ka kaam chhode hue 15 saal guzar gaye hain, main ab kabhi modelling aur kabhi kuch shows mein shirkat kar leti hoon, is se jo aamdani aati hai usi se langar ka silsila jari hai.
Adakara ka kehna tha ke main ne Allah se wada kiya hua hai ke jab tak main zinda hoon langar bantti rahoon gi.
Resham ne kaha ke log mere is kaam par ungliyan uthate hain aur kehte hain ke main yeh ghalat kar rahi hoon, is ke bajaye mujhe logon ko rozgar dena chahiye.
Adakara ka kehna hai ke main kaun hoti hoon logon ko khana khilane wali, Rab ki zaat khilati hai, mere paas duniya bhar mein sirf aik ghar hai, agar maine yeh bech kar logon ko rozgar de diya to main khud kya jhuggi mein rahoon gi.
Resham ne interview ke dauran kaha ke main yeh kaam sirf Allah ki raza ke liye karti hoon, logon ka kehna hai ke main haram kamai se langar banati hoon, is ka faisla Allah ko karna hai.
- Dharmendra’s Unbelievable Journey – From Earning ₹51 to Amassing ₹450 Crore
- “Pakistan Idol” Launches Nationwide with MHL Global and Fremantle
- Türkiye’s Thrilling New Series Antalya Gambit Set to Captivate the World
- Spotify’s Fresh Finds Celebrates a Decade of Discovering Breakout Talent
- Mawra Hocane Removed from ‘Sanam Teri Kasam’ Posters on Spotify and YouTube
